" பொங்கலோ பொங்கல்"
புதுப் பானையில் வண்ணக் கோலமிட்டு
புத்தம்புது அரிசியை
தளதளவென கொதிக்கும் பால்நீரில்
தரணிக்கு ஒளிதரும்
ஆதவனை எண்ணி அள்ளிப்போடும் அழகு!
பொங்கி வருகையில் மங்கலப் பெண்டிரின்
குலவையோசையில் " பொங்கலோ பொங்கல்"
பழமை - பொருள் மட்டுமல்ல
எண்ணங்களையும் தீயிலிடுவோம்
புதுமைகளை திலகமிட்டு வரவேற்போம்
பதுமைகளாய் மாதரை காண்போரை
பரிகாசம் செய்து இகழ்ந்திடுவோம்!
சுகபோகங்களை போகி செய்து
எளிமையை இனிமையாக்கும்
உழவுக்கு நன்றி சொல்லும்
உன்னத திருநாள்
ஏறு பூட்டும் விவசாயிக்கு
ஏற்றம் தரும் நன்னாள்!
மாறுபட்ட சிந்தனைகள்
மனதில் உதிக்கும் பொன்னாள்
பாடுபட்டு உழைப்போரின் பசிபோக்கும்
" பொங்கலோ பொங்கல்"
வாழிய செந்தமிழ்!
வாழிய தமிழர் !
NFPE, Srirangam
No comments:
Post a Comment